കാലം കടന്നു പോയ്

കാലം കടന്നു പോയ്,

കനലിന്റെ നീറുന്ന തരിയും തെറിച്ചു പോയ്.

പ്രണയമില്ലായിരുന്നെവിടെയും ,

പ്രളയജലം കഴുത്തോളമെത്തും വരെ .

പ്രണയമില്ലായിരുന്നെവിടെയും,

വുഹാനിലെ കൊലപാതകികൾ

കണ്ണിലെത്തും വരെ.

പകയായിരുന്നെവിടെയും,
നെറിയില്ലായിരുന്നെവിടെയും

മതവും, പണവും, നിറവും

നീ വിശ്വസിച്ച ദൈവവും ഹേതുക്കളായ്.

കാലം കടന്നു പോയ്,

കനലിന്റെ നീറുന്ന  തരിയും തെറിച്ചു പോയ്.

നാളെയപ്പ്പോൾ,

മതമെവിടെ? പകയെവിടെ?

നിറമെവിടെ? പണമെവിടെ?

കാണ്മാനില്ല.

പ്രണയമാണെവിടെയും,

കാലം പക പോക്കിയ ഈ ജനക്കൂട്ടത്തിനു

പ്രണയമാണെവിടെയും.